Yangilangan: 20-01-2023

Kredit «Optima»

Yuridik shaxslar uchun (yakka tartibdagi tadbirkorlar bundan mustasno) maqsadsiz ajratiladigan kredit

Batafsil

6 000 000 000 so‘m
kredit miqdori
28 %
kredit foiz
36 oygacha
kredit muddati

Ko‘rsatkich	Qiymati / Tavsifi
Mijoz segmenti	Tadbirkorlik subyektlari
Kredit ajratilishida mijozga qo‘yilgan asosiy talablar	1. “Garant bank” AJ tizimida asosiy yoki ikkilamchi hisob raqami mavjud bo‘lishi; 2. Ijobiy kredit tarixiga ega bo‘lish; 3. Ustav fondi qonunchilikda belgilangan muddatda taʼsischilar tomonidan to‘liq shakllantirilgan bo‘lishi; 4. Moliyaviy natijalar to‘g‘risida hisobot (2-son shakl), oxirgi hisobot davri (yillik yoki choraklik) zarar bilan yakunlanmagan bo‘lishi; 5. O‘z aylanma mablag‘lari mavjudligi va ularning manfiy ko‘rsatkichda bo‘lmasligi; 6. 2-sonli kartoteka hisobvarag‘ida qarzdorlik mavjud bo‘lmasligi; 7. Mijozning Majburiy ijro byurosi tomonidan ochilgan ijro ishi bo‘yicha to‘lanishi lozim bo‘lgan mablag‘i bo‘lmasligi;
Kredit miqdori	6 000 000 000 (olti milliard) so‘mgacha
Kredit muddati	36 oygacha
Kreditning imtiyozli davri	6 oygacha
Kredit maqsadi	Maqsadlilik tamoyili qo’llanilmaydi
Kredit valyutasi	Milliy valyuta (so‘m)
Kreditni ajratish shakli	Mijozning “Garant bank” AJ tizimida ochilgan asosiy yoki ikkilamchi hisob raqamiga pul o‘tkazib berish yo‘li bilan yoki bank kassasidan naqd pulda ajratiladi
Minimal kredit foiz stavkasi	28 %
Mahsulot bo‘yicha ta’minot	Kredit summasining 125% dan kam bo‘lmagan miqdorida (Aloqador shaxslar uchun - 130%)
Qabul qilinadigan ta’minot turlari	1. Pul mablag‘lari; 2. Ko‘char va ko‘chmas mulklar; 3.Ishlab chiqarilgan muddati 5 yildan oshmagan avtotransport vositalari.

Hujjatlar

Kredit mahsulotidan foydalanish uchun taqdim qilinishi lozim bo‘lgan hujjatlar ro‘yxati

1. Ariza;
2. Qarz oluvchi korxonaning ta’sis hujjatlari (guvohnoma, ustav, rahbar buyrug‘i hamda ta’sischilar, rahbar, buxgalter (mavjud bo‘lsa) pasportlari nusxasi);
3. Qarz oluvchi korxona ta’sischilarining amaldagi qonun hujjatlarida belgilangan tartibda rasmiylashtirilgan kredit olish yuzasidan rozilik xati (xususiy korxonalar bundan mustasno);
4. Qarz oluvchi korxonaning (tegishli Davlat soliq xizmati organiga elektron shaklda taqdim etilgan) oxirgi hisobot davri (yillik va choraklik) uchun buxgalteriya balansi, moliyaviy natijalar to‘g‘risida hisoboti;
5. Garov obyekti bo‘yicha E-baholash ma’lumoti hamda mustaqil baholovchi tashkilot hisoboti;
6. Garov obyekti ko‘chmas mulk bo‘lgan taqdirda, kadastr hujjati (ko‘chirma va kadastr pasporti);
7. Garov obyekti avtotransport vositalari va maxsus texnikalar bo‘lgan taqdirda, transport vositasining ro‘yxatdan o‘tkazilganligi to‘g‘risidagi guvohnoma (texnik pasport, texnik talon);
8. Mulkni garovga qo‘yuvchi uchinchi shaxs yuridik shaxs bo‘lganda – korxona ta’sischilarining kredit ta’minoti sifatida mulkni garovga qo’yish yuzasidan rozilik xati, korxona ta’sis hujjatlari, korxona direktori va bosh buxgalterining (mavjud bo‘lsa) pasport nusxasi (agar korxonaga boshqa bank tomonidan xizmat ko‘rsatilsa);
9. Mulkni garovga qo‘yuvchi uchinchi shaxs jismoniy shaxs bo‘lganda - pasport nusxasi;
10. Qarz oluvchi korxonaning barcha banklarda mavjud hisob raqamlari bo‘yicha oxirgi 12 oylik pul aylanmasi, bank orqali tasdiqlangan holda (agar boshqa hisob raqamlari mavjud bo‘lsa).
11. Zarur holatda, qo‘shimcha hujjatlar talab etilishi mumkin.

Kredit «Optima»

So'rovnoma